НЭГ . ХУВЬ ХҮНД ҮЗҮҮЛЭХ ҮЙЛЧИЛГЭЭ

1.1 Гадаад оронд байх хугацаанд гарах эмнэлэг, эмчилгээний зардал

Даатгуулагч гадаад улс оронд аялах хугацаанд гэнэт өвдөх, гэнэтийн осолд орсны улмаас учирсан эмнэлэг, эмчилгээний болон мэс заслын зардал, эмчлэгч эмчийн жорын хуудсаар олгогдсон эм тарианы зардал зэрэг ердийн, нэн шаардлагатай, зайлшгүй гарах зардлыг Даатгагч нөхөн төлнө.

Даатгагчийн эмч нарын баг даатгуулагчийг эмчилж буй эмч, эмчлүүлж буй эмнэлэг эмчилгээний төвтэй байнгын холбоо харилцаатай ажиллан эмчилгээний явцыг хянаж байх болно. Даатгалын хамгаалалтын дээд хэмжээ нь A, B, C, D багцуудын хувьд 50,000 ам.доллар харин B, D багцуудын хувьд 30,000 ам.доллар байна.

Даатгалын тохиолдол бүрд Даатгуулагчийн өөрийн хариуцах хэсэг 50 ам.доллар байна.

1.2 Даатгуулагч аяллын явцад гэнэт өвдөх, гэнэтийн осолд орсон тохиолдолд нутаг оронд хүргэх, тээвэрлэх.

Даатгуулагч гадаад улс оронд байх хугацаанд гэнэт өвдөх, гэнэтийн осолд орсон тохиолдолд хамгийн ойрын эмнэлэгт хүргэх, нутаг орон руу нь тээвэрлэх ажлыг Даатгагч зохион байгуулна. Даатгагчийн эмч, мэргэжилтний баг нь даатгуулагчийн биеийн байдал, нөхцөл байдлыг харгалзан үзэж Даатгуулагчийг эмнэлэг эмчилгээний төв рүү шилжүүлэх эсвэл нутаг орон руу нь буцаан зөөн тээвэрлэх асуудлыг шийдвэрлэнэ.

Даатгагчийн эмч, мэргэжилтний баг нь Даатгуулагчийн эмчлүүлж буй эмнэлэг эмчилгээний төвтэй байнгын холбоо харилцаатай ажиллан, Даатгуулагчийн эмчлэгч эмч нартай зөвлөлдсөний үндсэн дээр хамгийн тохиромжтой тээврийн хэрэгслээр шилжүүлэн тээвэрлэх эсвэл нутаг орон руу нь буцаан зөөн тээвэрлэх асуудлыг шийдвэрлэнэ.

Гэнэтийн осол болон өвчлөл нь Даатгуулагчийн эрүүл мэндэд ноцтой хохирол учруулаагүй гэж эмч нарын баг үзсэн тохиолдолд Даатгуулагчийг заавал эх оронд нь буцаахгүйгээр шаардлага хангасан эмнэлэг рүү түргэн тусламжийн, эсвэл өөр тээврийн хэрэгслээр зөөн тээвэрлэнэ.

1.3 Шүдний яаралтай эмчилгээ

Даатгуулагч гадаад оронд аялах хугацаанд өвчилсөн шүд болон шүдний халдвар эмчлэх, шүд авах зэрэг анхны тусламж үзүүлэх яаралтай эмчилгээ шаардлагатай болсон тохиолдолд Даатгагч 450 ам.доллар хүртэлх төлбөрийг төлөх ба Даатгуулагчийн өөрийн хүлээх хариуцлагын хэмжээ нь даатгалын тохиолдол бүрд 50 ам.доллар байна.

1.4 Даатгуулагчтай хамт яваа гэр бүлийн гишүүнийг яаралтай буцаах

Даатгуулагч гадаад улс оронд аялах хугацаанд гэнэтийн өвчин, гэнэтийн ослын улмаас 10 ба түүнээс дээш хоногоор эмчлүүлэх шаардлагатай болсон эсвэл нас барсан тохиолдолд Даатгуулагчийг дагалдан яваа гэр бүлийн нэг гишүүн өөрийн тээврийн хэрэгсэл эсвэл маршрутын дагуух тээврийн хэрэгслээр буцах боломжгүй болсон тохиолдолд нутаг орон руу нь буцаах зардлыг Даатгагч хариуцна.

1.5 Шарил зөөн тээвэрлэх

Даатгуулагч гадаад улс оронд байх хугацаанд нас барсан тохиолдолд Даатгагч шарилыг нутаг оронд нь хүргэхэд гарах тээврийн зардал болон нутаг оронд нь оршуулах газар хүртэл тээвэрлэх зардлыг хариуцна.

Оршуулгын зардал, шарил чандарлах эсвэл оршуулгын ажиллагааны зардлыг төлөхгүй.

1.6 Гэр бүлийн нэг гишүүний зардал

Даатгуулагч гадаад улс оронд аялах хугацаанд гэнэтийн өвчин, гэнэтийн ослын улмаас 10 ба түүнээс дээш хоногоор эмчлүүлэх шаардлагатай болсон тохиолдолд Даатгуулагчийн гэр бүлийн нэг гишүүнийг байнгын оршин суугаа газраас Даатгуулагчийн гадаадад хэвтэн эмчлүүлж байгаа газарт хүргэх, буцаан хүргэх тээврийн зардал болон эмнэлэгт эргэж очих, болон гэр бүлийн гишүүний байрлах зочид буудлын зардалд зориулан 10 хүртэлх хоногоор тооцон өдөрт 85 хүртэлх ам.долларыг хариуцна.

1.7 Гэр бүлийн гишүүдээс нас барсан тохиолдолд Даатгуулагчийг яаралтай нутаг орон руу нь буцаах зардал

Даатгуулагчийг гадаад улс оронд аялах хугацаанд гэр бүлийн гишүүдээс нас барсан тохиолдолд Даатгуулагч аяллаа яаралтай зогсоох улмаар эх орондоо яаралтай буцах болсон тохиолдолд, Даатгуулагч өөрийн тээврийн хэрэгсэл эсвэл маршрутын дагуух тээврийн хэрэгслээр буцах боломжгүй болсон тохиолдолд Даатгуулагчийн нутаг орондоо буцах аяллын зардлыг Даатгагч төлнө.

Үүнд Даатгуулагч аяллаа зогсоох шаардлагатай болсон тухай бичиг баримтыг бүрдүүлж Даатгагчид хүргүүлнэ (гэр бүлийн гишүүдээс нь нас барсан гэдгийг нотлох нас барсны гэрчилгээ).

1.8 Эм тариа хүргэх үйлчилгээ

Даатгуулагчийн эмчийн бичсэн эм тариа нь яаралтай тусламж авах үед (Даатгуулагч гадаад улс оронд аялахаас өмнө бичигдсэн байж болно) аялж буй газраас олдох боломжгүй тохиолдолд эм тариаг яаралтай илгээх зардлыг Даатгагч төлнө.

1.9 Яаралтай мессeж дамжуулах үйлчилгээ

Даатгалын тохиолдлын тухай Даатгуулагчийн гэр бүл, ойр дотнын хүмүүст тань яаралтай холбоо барих, мессеж илгээх үйлчилгээг Даатгагч хариуцна.

1.10 Батлан даалтын барьцааны урьдчилгаа

Даатгуулагчийн нэрийн өмнөөс Даатгагч нь аливаа зөрчлийг 850 ам.доллар хүртэлх дүнгээр урьдчилан барагдуулна.
Даатгуулагч даатгагчийн зүгээс төлсөн аливаа дүнг 45 хоногийн дотор буцааж төлөх үүрэгтэй. Туслан гүйцэтгэгч компани нь уг сангийн урьдчилгаа төлбөрийг олгохтой холбоотой хүчинтэй итгэмжлэхийг шаардана.

1.11 Бэлэн мөнгө алдсаны улмаас төлбөр тооцоо хийх боломжгүй болох үед мөнгө зээлдүүлэх.

Даатгуулагч гадаад улс оронд байх хугацаандаа дээрэмдүүлэх, ачаа тээшээ алдах, гэнэтийн өвчлөл эсвэл ослын улмаас бэлэн мөнгөгүй болсон бөгөөд энэ нь баримт, цагдаагийн тодорхойлолт, гомдол зэргээр нотлогдсон тохиолдолд Даатгагч нь __________- ийн бүртгэлтэй оффист урьдчилан байршуулсан банкны чек, шилжүүлэг эсвэл бэлнээр 850 ам.доллар хүртэлх мөнгөн дүнг шилжүүлэх ба даатгуулагч буцаж ирээд нөхөн барагдуулна.

1.12 Паспорт, жолооны үнэмлэх, иргэний үнэмлэх, бичиг баримтаа хаяж гээгдүүлэх

Даатгуулагч гадаад оронд байх хугацаандаа паспорт болон жолооны үнэмлэх, иргэний үнэмлэхээ хаяж гээгдүүлсэн тохиолдолд шинээр паспорт, жолооны үнэмлэх, иргэний үнэмлэх эсвэл түүнтэй адилтгах консулын бичиг баримтыг авахад гарах зардлыг 200 ам.доллар хүртэл нөхөн төлнө.

1.13 Хуулийн зардал

Даатгуулагч гадаад улс оронд аялах хугацаанд зам тээврийн осол гаргасны улмаас гарсан ял, торгууль болон иргэний холбогдолтой нэхэмжлэлтэй холбогдолтойгоор үүсэх хуулийн зардлыг Даатгагч 2,100 ам.доллар хүртэл төлнө.

ХОЁР. АЧАА ТЭЭШНИЙ ХОХИРЛЫН ХАМГААЛАЛТ

2.1 Ачаа тээш алдагдах

Тээвэрлэгчийн буруутай үйл ажиллагааны улмаас нислэгийн үед Даатгуулагчийн бүртгүүлсэн ачаа тээш болон хувийн эд зүйлсээ алдсан тохиолдолд ачаа тээшийг олж авах болон алдагдсан эд зүйлсээ нөхөн бүрдүүлэхэд зориулан Даатгагч Тээвэрлэгчийн олгосон нөхөн төлбөр дээр нэмж нийтдээ 210 ам.доллар хүртэлх нөхөн төлбөр олгоно. Даатгуулагч алдагдсан ачаа тээш, дотор нь байсан эд зүйлсийн жагсаалт, үнэ, худалдан авсан өдөр зэрэг тодорхой мэдээлэл болон Тээвэрлэгчийн олгосон нөхөн төлбөрийн баримтын хамт Даатгагчид өгөх шаардлагатай. Aлдагдсан эд зүйлсийн нөхөн төлбөрийг хийхдээ олон улсын агаарын тээврийн компаниудын ачаа тээшинд хүлээх хариуцлагын журмыг мөрдөнө. Ачаа тээш алдагдсанаас хойш доод тал нь 21 өдөр байх ба алдагдсан эд зүйлс цаашид олдох боломжгүй гэсэн дүгнэлтийг Тээвэрлэгч гаргасан тохиолдолд нөхөн төлбөр хийгдэнэ.

Мөнгө, үнэт эдлэл, дебет болон кредит карт болон түүнтэй адилтгах бичиг баримт алдагдсан тохиолдолд энэ даатгалаар нөхөн төлбөр олгохгүй.

2.2 Ачаа тээш хоцрох

IATA буюу Олон Улсын Агаарын Тээврийн Холбооны бүрэлдэхүүнд багтдаг агаарын тээврийн компанид бүртгүүлсэн ачаа тээш 6 цагаас дээш хугацаагаар хойшлогдсон тохиолдолд Даатгагч Даатгуулагчид ойр зуур хэрэгцээт зүйлс худалдан авах зардалд зориулан 100 хүртэлх ам.доллар олгоно.

Энэ тохиолдолд агаарын тээврийн компанийн ачаа тээш хойшлогдсон тохиолдлын талаарх албан ёсны тодорхойлолтыг Даатгагчид нөхөн төлбөр авах бусад баримтуудын хамт ирүүлнэ.

2.3 Алдагдсан ачаа тээш болон хувийн эд зүйлсийн байгаа газрыг тодорхойлох болон тээвэрлэн хүргэх

Даатгуулагчийн ачаа тээш болон хувийн эд зүйлс (хулгайд) алдагдсан тохиолдолд хэрхэн мэдэгдэх тухай зөвлөгөө өгч, алдагдсан ачаа тээшний байгаа газар, байрлалыг тогтооход туслалцаа үзүүлнэ.

Даатгуулагчийн ачаа тээш болон алдагдсан эд зүйлс олдсон тохиолдолд Даатгуулагчийн байгаа газарт ачаа тээшийг нь хүргэх эсвэл байнгын оршин суугаа нутаг орон руу нь хүргэх зардлыг Даатгагч хариуцна. Даатгуулагчийн ачаа тээш болон хувийн эд зүйлс олдсон тохиолдолд Даатгагчаас энэ гэрээт баталгааны дагуу олгосон нөхөн төлбөрийг Даатгуулагч буцааж өгөх үүрэгтэй.

ГУРАВ. НИСЛЭГ ХОЙШЛОГДОХ

3.1 Даатгуулагчийн аяллын хуваарь 6 цагаас дээш хугацаагаар хойшлогдсон тохиолдолд Даатгагч аялал хойшлогдсоны улмаас гарах нэмэгдэл зардалд (зочид буудал, хоол, унааны зардал) зориулан дараах хязгаарт багтаан нөхөн төлбөр олгоно. Үүнд:

3.1.1 6 цагаас илүү хугацаагаар аялал хойшлогдсон тохиолдолд 45 ам.доллар

3.1.2 12 цагаас илүү хугацаагаар аялал хойшлогдсон тохиолдолд нэмэлт 45 ам.доллар

3.1.3 18 цагаас илүү хугацаагаар аялал хойшлогдсон тохиолдолд нэмэлт 45 ам.доллар

3.1.4 24 цагаас илүү хугацаагаар аялал хойшлогдсон тохиолдолд нэмэлт 45 ам.доллар

3.2 Даатгагч аялал хойшлогдсон тохиолдолд холбогдох бичиг баримтыг үндэслэн 180 ам.доллар хүртэлх нөхөн төлбөр олгоно.

3.3 Агаарын тээврийн компани, нисэх онгоцны буудал болон агаарын компанид үйлчилгээ үзүүлэгч гэрээт компаниудын ажилчид ажил хаясны улмаас нислэг хойшлогдсон тохиолдолд Даатгагч хариуцлага хүлээхгүй.

3.4 Байнгын бус нислэг хийдэг болон чартер нислэг үйлдэгч компанийн нислэг хойшлогдсоноос үүсэх хариуцлагыг Даатгагч хүлээхгүй.

3.5 НӨХЦӨЛҮҮД БОЛОН ХЯЗГААРЛАЛТ

3.5.1 Даатгуулагч нь тээвэрлэгч компани эсвэл түүний

төлөөлөгчийн газраас аялал хойшлогдсон өдөр, шалтгаан зэргийг тодорхой заасан, аялал хойшлогдсон тухай тодорхойлолтыг Даатгагчид ирүүлнэ.

3.5.2 Гэрээний энэхүү бүлэгт заасан нөхөн төлбөрийг Даатгуулагчийн суудал захиалсан тээврийн хэрэгсэл хөдөлсөн цаг хугацаанаас эхлэн тооцно (захиaлга баталгаажуулсан баримтын дагуу).

ДӨРӨВ. ТАЛУУДЫН ХҮЛЭЭХ ХАРИУЦЛАГА

4.1 Даатгуулагч гэрээний нөхцөлүүд болон үүргээ биелүүлэх эсэхээс шалтгаалж даатгалын үйлчилгээ болон нөхөн төлбөр авах эрх хамаарна.

4.2 Даатгалын тохиолдол болоход Даатгуулагч дараах үүрэгтэй. Үүнд:

4.2.1 Хохирлоос урьдчилан сэргийлэх, учирсан хохирлыг багасгах, арилгах бүхий л боломжит арга хэмжээг авах

4.2.2 Даатгалын тохиолдол, хохирол, нөхөн төлбөрийн талаар Даатгагчид нэн даруй мэдэгдэх.

4.2.3 Даатгагчид холбогдох бүх мэдээллийг саадгүйгээр гаргаж өгөх.

4.2.4 Даатгагчид мэдэгдэж, зөвшөөрөл авалгүйгээр аливаа хариуцлага хүлээх, төлбөр хийх эсвэл амлалт өгөхгүй байх.

4.3 Даатгуулагч энэхүү даатгалын гэрээг байгуулахаас өмнө ижил нөхөн төлбөр олгогдох хамгаалалтыг өөр даатгалын компаниар даатгуулсан тохиолдолд Даатгагч нөхөн төлбөр төлөх хариуцлага хүлээхгүй.

ТАВ. ДААТГАЛД ХАМААРАХГҮЙ ХЭСЭГ (Гэрээний бүх хэсэгт хамааралтай болно.)

5.1 Энэхүү гэрээгээр олгогдох даатгалын хамгаалалтад дор дурдсан эрсдэл, түүний үр дагаврын улмаас бий болсон хохирол хамаарахгүй бөгөөд Даатгагч нөхөн төлбөр олгохгүй. Үүнд:

5.1.1 Даатгуулагчийн өөрийн буруутай үйл ажиллагаа, гэмт хэргийн чанартай үйлдэлд оролцсон эсвэл санамсар болгоомжгүй, хайхрамжгүй үйлдлийн шууд болон шууд бус хохирол. Даатгуулагчийн сэтгэл санааны гутрал, сэтгэцийн гажиг, сэтгэл мэдрэлийн эмчилгээ хийлгэх үеийн үйлдэл, түүний үр дагавар.

5.1.2 Үер, газар хөдлөлт, хөрсний нуралт, галт уулын дэлбэрэлт, хүчит салхи, агаарын хөлөг эсвэл агаараас унах биет зүйлс, агаар мандлын, цаг уурын, газар хөдлөлтийн болон геологийн гэх мэт байгалийн онцгой үзэгдэл.

5.1.3 Терроризмын үйл ажиллагаа, бослого, үймээн самуун болон олон нийтийн үйл ажиллагаа, цугларалтаас үүдсэн хохирол.

5.1.4 Энхийн цагт цэрэг армийн болон хамгаалалтын хүчний үйлдэл, хохирол.

5.1.5 Зарласан болон зарлаагүй дайн байлдааны үйл ажиллагаа, олон улсын хөндлөнгөөс оролцон хүч хэрэглэсэн үйл ажиллагаа, мөргөлдөөн, маргаантай асуудал.

5.1.6 Радио идэвхт болон цөмийн эрчим хүчний нөлөөлөл.

5.1.7 Даатгуулагчийн аргагүй эсвэл шаардлагатай хамгаалалтаас бусад тохиолдолд хэрүүл шуугиан тарих, аливаад уриалан дуудсан үйлдэл хийх, мөрийцөх зэргээс үүдсэн хохирол.

5.1.8 Нэмэлт хураамж төлж, гэрээнд тусгайлан тохиролцоогүй нөхцөлд Даатгуулагч даатгуулахаас өмнө өвдөж байсан

болон гэнэтийн осолд орж байсан тохиолдол.

5.1.9 Даатгуулагч уралдаан тэмцээн, спортын арга хэмжээ болон дадлага, туршилт болон бэлтгэлд оролцсон.

5.1.10 Автомашин, мотоцикл бусад ижил төстэй тээврийн хэрэгслийн уралдаан тэмцээнд оролцох, ан хийх, усанд шумбах, хүн тээвэрлэх, зориулалтын бус тээврийн хэрэгслээр олон улсын далай тэнгист навигацийн тээвэр хийх, морь унах, ууланд авирах, бокс тоглох, барилдах, цэргийн урлаг болон шүхрээр буух, халуун агаар бүхий агаарын бөмбөлгөөр нисэх, чөлөөт уналт, гулгалт зэрэг аюултай спортын төрөлд оролцох.

5.1.11 Cпортын холбоо болон ижил төстэй байгууллагуудаас зохион байгуулж байгаа уралдаан тэмцээнд оролцох.

5.1.12 Цанаар гулгах болон түүнтэй төстэй спорт, өвлийн болон зуны спортын аюултай төрөлд оролцох.

5.1.13 Монгол Улсын нутаг дэвсгэрээс гадна амьдрах байнгын оршин суугч болон оюутан.

5.1.14 Иргэний агаарын хөлгөөс бусад агаарын хөлөг болон нисдэг тэргээр зорчих эсвэл багийн гишүүнээр аялах.

5.1.15 Даатгуулагчийн ажил үйлчилгээний үр дагавраас үүдэлтэй гарсан хохирол, ажлын байран дахь осол.

5.1.16 Зүрх судас болон цусны эргэлтийн эмгэг, түүний үр дагавартай шууд болон шууд бусаар холбоотой аливаа эмчилгээ.

5.2 Дараах тохиолдолд Даатгагч нөхөн төлбөр олгохоос татгалзах эрхтэй. Үүнд:

5.2.1 Нэн яаралтай, зайлшгүй тохиолдлоос бусад тохиолдолд ...........-д урьдчилан мэдэгдэлгүйгээр, эсвэл уг байгууллагын албан ёсны зөвшөөрөлгүйгээр Даатгуулагчийн өмнөөс үзүүлсэн аливаа үйлчилгээ. Хэрэв нэн яаралтай болон зайлшгүй тохиолдолд үйлчилгээ үзүүлэх шаардлага гарсан бол Даатгагчид холбогдох баримт, тооцоо, нэхэмжлэлийн эх баримтыг бүрдүүлж ирүүлэх шаардлагатай.

5.2.2 Аливаа архаг хууч эсвэл даатгуулахаас өмнө өвдөж байсан өвчнөөс үүдэлтэй эмгэг, гэмтэл.

5.2.3 Амиа хорлох, амиа хорлох үйлдэл хийснээс биед учирсан гэмтэл.

5.2.4 Архи, хар тамхи, хортой бодис, мансууруулах бодис, эмчийн жоргүй эм тариаг дур мэдэн хэрэглэснээс мөн түүнчлэн сэтгэцийн өвчин, мэдрэлийн тэнцвэргүй байдлаас үүдсэн өвчин эмгэг.

5.2.5 Даатгагчийн эмч мэргэжилтнүүдийн зөвшөөрсөн тохиолдолд Даатгагчийн санал болгосон шилжүүлэх, тээвэрлэх асуудлыг Даатгуулагч болон түүнийг төлөөлж буй хүмүүс татгалзсан, хойшлуулсан.

5.2.6 Нөхөн сэргээх эмчилгээ

5.2.7 Протез (хиймэл эрхтэн), ортопед, остесинтез материал, нүдний шил.

5.2.8 Жирэмслэлт, төрөлт, үр хөндөлт, тэдгээрийн үр дагавар.

5.2.9 Баглаа боодол, ачааны таних тэмдэг хангалтгүй байх, мөн амархан мууддаг эд зүйлс болон хэврэг ачаа тээш.

5.2.10 Даатгуулагч аяллаа эхэлснээс хойш дараах тохиолдолд даатгалын үйлчилгээ болон нөхөн төлбөр олгогдохгүй. Үүнд:

5.1.10.1 Даатгалын гэрээ хүчин төгөлдөр үйлчлэх хугацаанаас өмнө учирсан тохиолдол.

5.1.10.2 Эмнэлгийн туслалцаа, эмчилгээ авах зорилготойгоор гадаад оронд зорчсон.

5.1.10.3 Үхэлд хүргэх өвчний онош тогтоогдсоны дараа гадаад оронд зорчсон.

5.1.10.4 Гадаад оронд зорчихоос өмнөх 12 сарын дотор Даатгуулагч эмчилгээ хийлгэж байсан, эмнэлгийн хяналтад байсан үедээ эмчийн зөвшөөрөлгүйгээр зорчсон.

5.3 Даатгуулагч байнгын оршин суугаа газартаа байх хугацаанд гарсан зардал, даатгалын хамгаалалтын хязгаараас давсан зардал, даатгалын хугацаа дууссан эсвэл гадаад оронд зорчсоноос хойш 90 хоногийн дараа гарсан зардал.

ЗУРГАА. НЭМЭЛТ ЗААЛТ

6.1 Давагдашгүй хүчин зүйлийн улмаас энэхүү гэрээнд тусгасан үйлчилгээг үзүүлэх боломжгүй бол Даатгагч хариуцлага үүрэхгүй.

6.2 Өмнө нь өвчилж байсан өвчин

Даатгуулахаас 24 сарын өмнө Даатгуулагч аль нэг өвчний улмаас эмчид үзүүлэх, эмчилгээ авах, эм тариа хэрэглэж байсан өвчнийг хэлнэ. Даатгалын гэрээний хугацаанд жилдээ олон удаа аялах тохиолдолд тухайн аялал бүр эхлэхээс 24 сарын өмнө эмчилгээ болон эрүүл мэндийн зөвлөгөө авах эсвэл эм тариа хэрэглэж байсан бол мөн адил хамаарна.

6.3 70-аас дээш насны Даатгуулагчид

70-аас дээш насны Даатгуулагчдын эмнэлгийн дүгнэлтэд бичигдсэн өмнө нь өвчилж байсан аливаа өвчнийг энэхүү даатгалаар хамгаалахгүй. 70-аас дээш насны Даатгуулагчдын цусны даралт, чихрийн шижин өвчин зэрэг зүрх судастай холбоотой аливаа өвчнийг энэхүү даатгалаар хамгаалахгүй.

ДОЛОО.ҮГИЙН ТАЙЛБАР

7.1 Даатгагч – Тэнгэр Даатгал ХХК болон даатгалын гэрээний дагуу үйлчилгээ үзүүлэх Sirius International компани.

7.2 Даатгуулагч – Даатгалын баталгаанд нэр заасан хүн буюу гэрээ эзэмшигч.

7.3 Төрөл төрөгсөд – Даатгуулагчийн эхнэр/нөхөр, сүйт залуу/ бүсгүй, 18- аас доош насны хүүхдүүд, эцэг эх, хамтран амьдрагч.

7.4 Байнгын оршин суудаг газар – Даатгуулагчийн байнгын оршин суудаг газар буюу Монгол улс.

7.5 Өвчин – Даатгалын гэрээ хүчин төгөлдөр үйлчлэх хугацаанд Даатгуулагчийн эрүүл мэндэд өвчний улмаас мэдэгдэхүйц өөрчлөлт орсон гэдэг нь хуулийн дагуу зөвшөөрөлтэй эмчлэх эрх бүхий эмчийн дүгнэлтээр оношлогдсон тохиолдол. Дараах хоёр тохиолдол энэ ойлголтод үл хамаарна. Төрөлхийн өвчин эмгэг – удамшлын болон төрөхийн хүндрэлийн улмаас эсвэл төрсөн цагаас мэдэгдэж байсан эмгэг. Өмнө нь өвчилж байсан өвчин – даатгалын гэрээ байгуулахаас өмнө уг өвчнөөр өвчилж байсан, урьд нь эмчилгээ хийлгэж байсан тохиолдол.

7.6 Хүнд өвчин – Биеийн эрүүл мэндэд өөрчлөлт орсны улмаас яаралтай эмнэлгийн тусламж авах шаардлага бий болсон, Даатгагчийн эмч мэргэжилтний багийн дүгнэлтээр аяллын явцыг зайлшгүй зогсоох шаардлага үүссэн, Даатгуулагчийн амь насанд аюул учруулж болохуйц тохиолдол.

7.7 Гэмтэл – Даатгалын гэрээний хугацаанд Даатгуулагчаас үл хамаарах нөхцөлд гэнэтийн гаднын хүчин зүйлсийн улмаас Даатгуулагчийн биед гэмтэл бэртэл учирч, эрүүл мэндэд хохирол учрах.

7.8 Хүнд гэмтэл – Даатгагчийн эмч мэргэжилтний багийн тодорхойлолт болон дүгнэлтээр Даатгуулагчийн аяллыг яаралтай зогсоох шаардлага үүссэн буюу Даатгуулагч нас барах эрсдэл бий болсон тохиолдол.

7.9 Эмч, мэргэжилтний баг - Specialty Assistance Services (SAS) - ын томилсон эмч мэргэжилтэн.

НАЙМ. НӨХӨН ТӨЛБӨР

Та нөхөн төлбөр нэхэмжлэх үед:

8.1 Шуурхай албаны 1800-1889 дугаар луу нэн даруй холбогдон мэдэгдэх

8.2 Тэнгэр даатгал ХХК-аас нөхөн төлбөрийн маягтыг авч бөглөх

8.3 Нөхөн төлбөрийн маягтыг нэхэмжлэл болон аяллын бусад холбогдох бичиг баримтуудын хамт Тэнгэр даатгал ХХК-д өгнө үү. Хэрвээ эмчилгээ хийлгэсэн бол гэмтэл, өвчний төрлийг тодорхойлсон эмчилгээний болон төлбөр хийсэн бол төлбөрийн баримтуудыг Тэнгэр даатгал ХХК-д бас ирүүлнэ үү.

8.4 Та эдгээр бичиг баримтуудаа нутагтаа буцаж ирснээс хойш 31 хоногийн дотор бүрдүүлж өгөх үүрэгтэй. Нөхөн төлбөр авахад Цагдаагийн байгууллагын тодорхойлолт, бичиг баримт шаардлагатай бол үүнийг даатгалын тохиолдол болсон өдрөөс 24 цагийн дотор ирүүлнэ үү.

70 ба түүнээс дээш насны бүх даатгуулагчдад зориулсан нэмэлт заалт

8.5 Шууд болон шууд бусаар буюу зүрх судасны систем, даралт ба/эсвэл чихрийн шижин өвчний улмаас үүссэн аливаа нөхөн төлбөрийн нэхэмжлэхэд 70 ба түүнээс дээш насны бүх даатгуулагчид хамаарахгүй гэдгийг энд тэмдэглэн, зөвшөөрч байна.

ЕС. ДААТГУУЛАГЧДЫН АНХААРАЛД

9.1 Гэрээтэй холбоотой аливаа төлбөр тооцоог “Төлбөр тооцоог үндэсний мөнгөн тэмдэгтээр гүйцэтгэх тухай” хуульд заасны дагуу төгрөгөөр гүйцэтгэнэ.

НАСНЫ ХЯЗГААР

9.2 Энэ даатгалд 80 хүртэлх насны хүмүүс хамаарна. 70-аас дээш насны иргэн эрүүл мэндийн үзлэгийн дүгнэлтийг Даатгагчид өгөх шаардлагатай. 80-аас дээш насны насны иргэн хүн Даатгагчаас урьдчилж зөвшөөрөл авсан тохиолдолд даатгуулах боломжтой.

9.3 Даатгуулагчийн хураамжийг дараах байдлаар тогтооно. Үүнд:

9.3.1 71-79 насны хүмүүс даатгалын хураамжийг 2 дахин, 80-84 насны хүмүүс даатгалын хураамжийг 3 дахин өсгөж нэмэлт хураамж төлнө. 85-аас дээш насны хүмүүс хүсэлтийн дагуу

даатгуулж болно.

АРАВ.ГЭРЭЭ ЦУЦЛАХ

10.1 Доор дурдсанаас бусад тохиолдолд даатгалын гэрээ цуцлахгүй ба хураамжийг буцаан олгохгүй.
10.1.1 Даатгуулагч болон Даатгуулагчийн гэр бүлийн гишүүн хүнд гэмтэл авсан, хүндээр өвчилсөн, нас барсны улмаас зорчоогүй

10.1.2 Даатгуулагчийн зорчих улсын виз гараагүйг бичгээр нотолсон үед

10.1.3 Тухайн улс орон руу зорчихыг Засгийн газраас хориглосон үед

10.2 Дээр дурдсан тохиолдолуудын улмаас гэрээг цуцлах тохиолдолд Даатгуулагчийн гаргасан өргөдөл дээр үндэслэн төлсөн хураамжаас Даатгагчийн холбогдон гарах зардал болох 10%-ийг хасч буцаан олгоно.

АРВАН НЭГ.НӨХӨН ТӨЛБӨР НЭХЭМЖЛЭХ ҮЕД БҮРДҮҮЛЭХ МАТЕРИАЛ

11.1 Даатгагч нь доорх баримт материалыг үндэслэн даатгалын нөхөн төлбөрийг шийдвэрлэнэ. Үүнд:

11.2 Эмчилгээний зардал нэхэмжлэх үед

11.2.1 Даатгалын баталгаа

11.2.2 Эмнэлэг, эмчилгээний төлбөрийн баримтын эх хувь

11.2.3 Нэхэмжилж буй төлбөрийн баримттай холбоотой бүхий л мэдээлэл

11.2.4 Эмчлэгч эмчийн тайлан

11.2.5 Даатгагчаас шаардлагатай гэж үзсэн нэмэлт баримт, материал

11.3 Хувийн эд хөрөнгө болон бэлэн мөнгөө алдсан үед

11.3.1 Даатгалын баталгаа

11.3.2 Алдагдсан эд хөрөнгийг худалдаж авсан төлбөрийн баримт эсхүл тухайн эд хөрөнгө таны өмчлөлд байсан эсэхийг нотлох баримтууд

11.3.3 Нэхэмжилж буй төлбөртэй холбоотой бүхий л мэдээлэл болон тухайн эд хөрөнгийг анх худалдан авалтын огноо

11.3.4 Алдагдсан, хулгайлагдсан, нислэгээс хоцорсон эсэхийг баталгаажуулсан цагдаа, агаарын тээврийн компани эсвэл

түр операторын тодорхойлолт

11.3.5 Даатгагчаас шаардлагатай гэж үзсэн нэмэлт баримт, материал

11.4 Аяллыг цуцлах болон аяллын хугацаа богиносгох үед

11.4.1 Даатгалын баталгаа

11.4.2 Нэхэмжилж буй төлбөрийн баримттай холбоотой бүхий л мэдээлэл

11.4.3 Захиалга болон онгоцны тасалбар цуцлагдсаныг батлах баримт

11.4.4 Даатгагчаас шаардлагатай гэж үзсэн нэмэлт баримт, материал

Бүтээгдэхүүн

Орон сууцны даатгал

Автомашины даатгал

Дотоод аяллын даатгал

Гадаад аяллын даатгал

Гэнэтийн ослын даатгал