Монголын
хөрөнгийн биржид
арилжаалагдана

Тэнгэр даатгал ХК нь компанийн үйл ажиллагааг ил тод, хариуцлагатай, тогтвортой хэрэгжүүлэх зорилгоор компанийн засаглалын олон улсын сайн туршлага, холбогдох хууль тогтоомж, зохицуулагч байгууллагын шаардлагад нийцсэн засаглалын тогтолцоог бүрдүүлэн ажиллаж байна.

Компанийн дээд удирдлага болох Төлөөлөн удирдах зөвлөл (ТУЗ) нь компанийн стратеги, бодлого, гүйцэтгэлийн хяналтыг хэрэгжүүлэхийн зэрэгцээ дэргэдээ Аудит, эрсдэлийн хороо; Цалин, урамшууллын хороо болон Нэр дэвшүүлэх хороо-г байгуулан хараат бус, мэргэжлийн, үр ашигтай ажиллуулах нөхцөлийг бүрэн хангаж ажиллаж байна.

АУДИТ ЭРСДЭЛИЙН ХОРОО

Хороо нь компанийн санхүүгийн тайлан, дотоод хяналтын тогтолцоо, эрсдэлийн удирдлага, хууль тогтоомжийн хэрэгжилт, дотоод болон хөндлөнгийн аудитын хараат бус байдлыг хангах чиг үүргийг хэрэгжүүлж, ТУЗ-д бодитой, мэргэжлийн дүгнэлт, зөвлөмж хүргүүлэн ажилладаг.

ЦАЛИН, УРАМШУУЛЛЫН ХОРОО

Хороо нь гүйцэтгэх удирдлага болон удирдах ажилтнуудын цалин, урамшууллын бодлого, зохицуулалт, төлөвлөгөө, хөтөлбөрийг боловсруулах, үнэлэх, хянах, холбогдох санал, дүгнэлтийг ТУЗ-д танилцуулах чиг үүрэгтэйгээр ажилладаг. Тус хороо нь цалин, урамшууллын тогтолцоог компанийн урт хугацааны зорилго, гүйцэтгэлтэй уялдуулан, ил тод, шударга, хариуцлагатай байдлаар хэрэгжүүлэхэд анхаарч, компанийн үнэ цэнийг нэмэгдүүлэхэд чиглэсэн бодлогыг хэрэгжүүлдэг.

НЭР ДЭВШҮҮЛЭХ ХОРОО

Хороо нь ТУЗ болон гүйцэтгэх удирдлагын гишүүдийн томилгоо, бүрэлдэхүүн, залгамж халаа, хараат бус байдлыг хангахтай холбоотой бодлого, журам боловсруулах, нэр дэвшигчдийг ил тод, хараат бус, мэргэжлийн шалгуураар үнэлэх, холбогдох санал, зөвлөмжийг ТУЗ-д хүргүүлэх чиг үүрэгтэй. Тус хороо нь компанийн удирдлагын тогтолцоог тогтвортой байлгах, хүний нөөцийн оновчтой бүрдүүлэлт, залгамж халааг төлөвлөх замаар компанийн засаглалын үр нөлөөг дээшлүүлэхэд чиглэн ажиллаж байна.